Եղվարդի խճուղու վրա գտնվող «Պալկովնիկի օբյեկտի» մոտ այսօր` հուլիսի 4-ին կրակել են մի քաղաքացու ծնոտին: Քիչ առաջ ոստիկանության Մաշտոցի բաժնի Դավիթաշենի բաժանմունքի աշխատակիցները Եղվարդի խճուղու վրա գտնվող «Պալկովնիկի օբյեկտի» շրջակայքում քննչական-փորձարարական աշխատանքներ են կատարել: Ինչպես դեպքի վայրից NEWS.am-ին հայտնում է ֆոտոլրագրող Գագիկ Շամշյանը, հուլիսի 4-ին, 00:20-ի սահմաններում Երեւանի թիվ 3 կլինիկական հիվանդանոցից ոստիկանության Դավիթաշենի բաժանմունք ահազանգ է ստացվել, որ իրենց մոտ բուժօգնության դիմել ստորին շրթունքի հրազենային պատռվածք վերքով մի քաղաքացի, ով ներկայացել է Արմեն Սահակյան անվամբ: Հիվանդանոց են մեկնել ոստիկանության օպերատիվ-քննչական խումբը` Երեւանի քրեական հետախուզության բաժնի պետ Եգոր Անտոնյանի, ոստիկանության Մաշտոցի բաժնի պետ Ավետիք Աբրահամյանի, Դավիթաշենի բաժանմունքի պետ Մուշեղ Հակոբյանի գլխավորությամբ: Այնտեղ է մեկնել նաեւ ոստիկանության քննչական գլխավոր վարչության Մաշտոցի քննչական բաժնի քննիչ Վահե Ասատրյանը: Թիվ 3 կլինիկական հիվանդանոցում վնասվածք ստացած անձը հայտնել է, որ ինքն Արմեն Սահակյանն է, եւ դեմք-ծնոտի մասի փափուկ հյուսվածքների միջից բժիշկները կարողացել են հանել են մեկ գնդակ: Հրազենային գնդակն ուղարկվել է ոստիկանության փորձաքրեագիտական վարչություն, որտեղ պետք է պարզվի, թե ինչ հրազենից է գնդակն արձակվել: Վիրավորը հայտնել է, թե վնասվածքը ստացել է «Պալկովնիկի օբյեկտի» մոտ ինչ-որ անձանց հետ վիճաբանության ժամանակ: Փաստի առթիվ Մաշտովի քննչական բաժնում հարուցվել քրգործ քր.օր.-ի 34-104 եւ 235 հոդվածների հատկանիշներով: Սակայն այս պահին ոստիկանության Մաշտոցի բաժնի աշխատակիցները ճշտել են նրա տված անուն-ազգանունը, չեն կարողանում ճշտել բնակության վայրը, եւ կան կասկածներ, ու նա ստել է իրավապահներին: Մաշտոցի բաժնի աշխատակիցները վիրավորին վերցրել են վերահսկողության տակ:

Եղվարդի խճուղու վրա գտնվող «Պալկովնիկի օբյեկտի» մոտ այսօր` հուլիսի 4-ին կրակել են մի քաղաքացու ծնոտին:

Քիչ առաջ ոստիկանության Մաշտոցի բաժնի Դավիթաշենի բաժանմունքի աշխատակիցները Եղվարդի խճուղու վրա գտնվող «Պալկովնիկի օբյեկտի» շրջակայքում քննչական-փորձարարական աշխատանքներ են կատարել:

Ինչպես դեպքի վայրից NEWS.am-ին հայտնում է ֆոտոլրագրող Գագիկ Շամշյանը, հուլիսի 4-ին, 00:20-ի սահմաններում Երեւանի թիվ 3 կլինիկական հիվանդանոցից ոստիկանության Դավիթաշենի բաժանմունք ահազանգ է ստացվել, որ իրենց մոտ բուժօգնության դիմել ստորին շրթունքի հրազենային պատռվածք վերքով մի քաղաքացի, ով ներկայացել է Արմեն Սահակյան անվամբ: Հիվանդանոց են մեկնել ոստիկանության օպերատիվ-քննչական խումբը` Երեւանի քրեական հետախուզության բաժնի պետ Եգոր Անտոնյանի, ոստիկանության Մաշտոցի բաժնի պետ Ավետիք Աբրահամյանի, Դավիթաշենի բաժանմունքի պետ Մուշեղ Հակոբյանի գլխավորությամբ: Այնտեղ է մեկնել նաեւ ոստիկանության քննչական գլխավոր վարչության Մաշտոցի քննչական բաժնի քննիչ Վահե Ասատրյանը:

Թիվ 3 կլինիկական հիվանդանոցում վնասվածք ստացած անձը հայտնել է, որ ինքն Արմեն Սահակյանն է, եւ դեմք-ծնոտի մասի փափուկ հյուսվածքների միջից բժիշկները կարողացել են հանել են մեկ գնդակ: Հրազենային գնդակն ուղարկվել է ոստիկանության փորձաքրեագիտական վարչություն, որտեղ պետք է պարզվի, թե ինչ հրազենից է գնդակն արձակվել:

Վիրավորը հայտնել է, թե վնասվածքը ստացել է «Պալկովնիկի օբյեկտի» մոտ ինչ-որ անձանց հետ վիճաբանության ժամանակ: Փաստի առթիվ Մաշտովի քննչական բաժնում հարուցվել քրգործ քր.օր.-ի 34-104 եւ 235 հոդվածների հատկանիշներով: Սակայն այս պահին ոստիկանության Մաշտոցի բաժնի աշխատակիցները ճշտել են նրա տված անուն-ազգանունը, չեն կարողանում ճշտել բնակության վայրը, եւ կան կասկածներ, ու նա ստել է իրավապահներին: Մաշտոցի բաժնի աշխատակիցները վիրավորին վերցրել են վերահսկողության տակ:

Մտավորականները նախագահին կոչ են անում զբաղվել արտագաղթի խնդրով

Մի խումբ մտավորականներ օրերս Ազգային ժողովի նախագահին եւ վարչապետին ուղղված բաց նամակում ահազանգել էին, որ «արտագաղթը Հայաստանից վերածվում է տնտեսական ու ազգային աղետի»: Այսօր արդեն մտավորականները երկրի նախագահի ուշադրությունն են հրավիրում նույն խնդրի վրա:

Գրականության ինստիտուտի փոխտնօրեն Վարդան Դեւրիկյանի կարծիքով, արտագաղթի ծավալից զատ, այսօր ավելի մտահոգիչ է մարդկանց խուճապային տրամադրությունը, որը ձնագնդու պես մեծանում է ու տարածվում:

«Բոլորի մոտ ճամպրուկային տրամադրություն է, երբ յուրաքանչյուրը մտածում է` ո՞ւր գնալ: Աշխատունակ մասը` ովքեր որ ֆիզիկական աշխատանքով են զբաղվում, մտածում են Ռուսաստան գնալ, ավելի ինտելեկտուալ շերտը` Եվրոպա կամ Ամերիկա: Սա իրապես կամայացնի մեր երկիրը», - այսօր հրավիրած ասուլիսում ասաց Գրականության ինստիտուտի փոխտնօրենը:

Այս առնչությամբ Վարդան Դեւրիկյանը կարծիք հայտնեց, որ երկրի նախագահը պետք է անձամբ արձագանքի մտավորականների բաց նամակին` կոչով դիմի ժողովրդին ու հայտարարի, որ «մենք մեր ժողովրդի ապագան մեր երկրում ենք տեսնում»:

Ազգագրագետ Հարություն Մարությանը, սակայն, համոզված է, կոչերով պետք չէ սահմանափակվել:

«Շատ լավ կլինի, եթե նախագահը խոսի, բայց ենթադրվում է, որ դրանից հետո պետք է ինչ-որ քայլեր ձեռնարկվեն: Արդյո՞ք նախագահը կամ նրա թիմը ունի այդ քաղաքական կամքը, պատրաստ է այն քայլերը ձեռնարկել, որոբք կբերեն համակարգային փոփոխությունների: Կարծես թե մի քանի անգամ ակնարկվում է, որ պատրաստ են համակարգային փոփոխությունների, սակայն այդ ակնարկից այն կողմ, ցավոք սրտի, ոչինչ չստացվեց», - նշեց ազգագրագետը:

Պաշտոնական տվյալներով միայն վերջին 3 տարիներին Հայաստանից հեռացել է շուրջ 78 հազար մարդ:

Տարածքային կառավարման նախարարության միգրացիոն ծառայության պետ Գագիկ Եգանյանը մայիսին կարծիք էր հայտնել, որ Հայաստանում միգրացիոն տեսակետից արտառոց երեւույթներ տեղի չեն ունեցել եւ վերջին տարիներին միգրացիայի բացասական մնացորդը «չի ահագնացել», այլ մնացել է «նույն մակարդակի վրա»։

Անաստաս Միկոյանի թոռը հրաժարվել է վճարել. «Դա այդքան չարժի»

Ձախողվել է Հեռավոր Արեւելքում գտնվող Վանինոյի նավահանգստի վաճառքի աճուրդը, որը մայիսին հաղթել էր Անաստաս Միկոյանի թոռը` Իվանը:

«Կոմերսանտ» թերթը գրում է, որ ձեռնարկատերը, ով աճուրդի ժամանակ խոստացել էր ռեկորդային 10,8 մլրդ դոլար վճարել, չի բացատրել իր արարքը, միայն հայտարարել է, որ նավահանգսիտն «այդքան գումար չարժի»:

Ավելի վաղ NEWS.am-ը հայտնել էր, որ «Ռոսիմուշեստվոն» մայիսի 19-ին կայացած աճուրդում վաճառել է «Վանինոյի ծովային առեւտրային նավահանգիստ» ընկերության (Խաբարովսկ) 55 տոկոս բաժնետոմսերի փաթեթը` Իվան Միկոյանի «Սելտեխստրոյ» ընկերությանը 10 մլրդ 824 մլն ռուբլով:

Իվան Միկոյանը` խորհրդային հայտնի գործիչ Անաստաս Միկոյանի թոռը վերջերս է դարձել «Սելտեխստրոյ»-ի սեփականատ:

Վանինոյի նավահանգիստը Խաբարովսկի խոշորագույն նավահանգիստն է, 2010թ. բեռնաշրջանառությունը կազմել է 6,1 մլն տոննա:

> Լրահոս Քաղաքականություն Իշխանությունը պետք է կողմնորոշվի 1-2 ամսում, ասել է Լեւոն Տեր-Պետրոսյանը

Երեւան: Մեդիամաքս: ՀԱԿ առաջնորդ Լեւոն Տեր-Պետրոսյանն այսօր ասել է, որ առաջիկա 1-2 ամսում իշխանությունները պետք է կողմնորոշվեն արտահերթ ընտրությունների անցկացման հարցում:

Ինչպես հաղորդում է Մեդիամաքս-ը, հանդես գալով Ազատության հրապարակում կայացած հանրահավաքում` Լեւոն Տեր-Պետրոսյանն ասել է, որ եթե սեպտեմբերի սկզբին իշխանություններն այդ որոշումը չկայացնեն, ապա ՀԱԿ-ը կհանի արտահերթ ընտրությունների պահանջը եւ պահանջելու է բացառապես Սերժ Սարգսյանի եւ իշխող կոալիցիայի հրաժարականը:

Հին Երեւանը՝ մեկ փողոցում

Հին Երեւանը մեկ փողոցում նախագծով Արամի եւ Բուզանդի փողոցներում կվերակառուցվեն 19-րդ դարի վերջի եւ 20-րդ դարասկզբի Երեւանի Հին Երեւանը մեկ փողոցում նախագծով Արամի եւ Բուզանդի փողոցներում կվերակառուցվեն 19-րդ դարի վերջի եւ 20-րդ դարասկզբի Երեւանի ճարտարապետության լավագույն նմուշները:ճարտարապետության լավագույն նմուշները:

Սերժ Սարգսյանը ուղերձ է հղել Բարաք Օբամային, այցելել ԱՄՆ-ի դեսպանատուն

Պաշտոնական

Հայաստանի նախագահ Սերժ Սարգսյանը շնորհավորական ուղերձ է հղել ԱՄՆ-ի նախագահ Բարաք Օբամային` Միացյալ Նահանգների Անկախության օրվա առթիվ:

Ուղերձում, որի տեքստը տարածել է Հայաստանի նախագահի մամլո գրասենյակը, մասնավորապես, ասված է. - «Հայաստանի ժողովրդի եւ անձամբ իմ անունից ամենայն ջերմությամբ շնորհավորում եմ Ամերիկայի Միացյալ Նահանգների Անկախության օրվա առթիվ՝ ի սրտե մաղթելով Ձեզ նորանոր հաջողություններ, իսկ Ամերիկայի բարեկամ ժողովրդին՝ խաղաղություն եւ բարօրություն: 235 տարի առաջ Ֆիլադելֆիայում ընդունված Անկախության հռչակագիրը խորհրդանշեց կարեւորագույն հանգրվան ժողովրդավարության, մարդու եւ ժողովուրդների իրավունքների ու արժանապատվության, սեփական ճակատագիրը տնօրինելու ազատության բարձրագույն արժեքների ամրագրման ճանապարհին»:

«Անգնահատելի է այն շարունակական եւ համակողմանի աջակցությունը, որ Ամերիկայի Միացյալ Նահանգները ցուցաբերել է Հայաստանին՝ քսանամյակը բոլորող անկախության առաջին տարիներից ի վեր: Օգտվելով առիթից` շնորհակալություն եմ հայտնում Ձեր վարչակազմին եւ անձամբ Ձեզ Լեռնային Ղարաբաղի հիմնախնդրի խաղաղ կարգավորմանն ուղղված հետեւողական եւ կառուցողական ջանքերի համար՝ ի նպաստ տարածաշրջանում խաղաղության, կայունության եւ անվտանգության», - ասված է Սերժ Սարգսյանի ուղերձում:

«Հայաստանն առանձնահատուկ կարեւորություն է տալիս Միացյալ Նահանգների հետ շարունակվող սերտ գործակցությանն ու գործընկերային ջերմ հարաբերություններին, երկկողմ կապերի վերընթաց զարգացմանը, մեր երկրների ու ժողովուրդների բարեկամության հետագա ամրապնդմանն ու խորացմանը: Լիահույս եմ, որ համատեղ ջանքերով կկարողանանք նոր հնարավորություններ ստեղծել փոխադարձ հետաքրքրության բոլոր ոլորտներում գործակցության առկա որակական մակարդակը ավելի բարձրացնելու համար», - Միացյալ Նահանգների նախագահին գրել է Հայաստանի նախագահը:

ԱՄՆ-ի Անկախության օրվա առթիվ Սերժ Սարգսյանը երկուշաբթի օրը այցելել է Հայաստանում Միացյալ Նահանգների դեսպանատուն եւ շնորհավորել դեսպանատան աշխատակիցներին:

Հայաստանի նախագահը իր խոսքում նշել է, որ Միացյալ Նահանգների Անկախության տոնը շատ մեծ նշանակություն է ունեցել եւ այժմ էլ ունի ոչ միայն Միացյալ Նահանգների, այլեւ բոլոր ժողովուրդների, այդ թվում` Լեռնային Ղարաբաղի ժողովրդի համար, քանի որ չկա մի ժողովուրդ, ով չի ցանկանում անկախություն եւ ազատություն:

ԱՄՆ-ի եւ Մեծ Բրիտանիայի խորհրդատուները «բացառիկ ներդրում» են ունեցել ՀՀ Պաշտպանության ռազմավարական վերանայման գործընթացում

Երեւան: Մեդիամաքս: ՀՀ պաշտպանության նախարար Սեյրան Օհանյանն ասել է, որ ԱՄՆ-ի եւ Մեծ Բրիտանիայի խորհրդատուները «բացառիկ ներդրում» են ունեցել ՀՀ Պաշտպանության ռազմավարական վերանայման (SDR) գործընթացում:

“Հատուկ ցանկանում եմ ընդգծել մեր միջազգային խորհրդատուների` պաշտոնաթող գեներալ-մայոր Ջոն Դրեւինկեւիչի, դոկտոր Անտոնիուս Բերնարդսի եւ դոկտոր Տիֆանի Պեդրոսի անգնահատելի ավանդը: Նրանք մեր կողքին էին գործընթացի մեկնարկից մինչեւ ավարտը, ցուցաբերելով ոչ միայն բացառիկ իմաստություն եւ պրոֆեսիոնալիզմ, այլ նաեւ գործին անձնական նվիրվածություն:

Ինչ վերաբերում է Ռուսաստանի Դաշնության մեր գործընկերների հետ իրականացված փորձագիտական քննարկումներին, ապա գործընթացի շրջանակներում դրանք առնչվել են ոչ միայն ՀՀ ԶՈՒ զարգացման հեռանկարներին, այլեւ ՀՀ-ՌԴ զորքերի (ուժերի) միացյալ խմբավորման դերի, առաքելության եւ համատեղ գործելու կարողությունների զարգացմանը”, - ասել է նախարարը` հանդես գալով միջգերատեսչական հանձնաժողովի ամփոփիչ նիստում:

Սեյրան Օհանյանը հիշեցրել է, որ ռազմավարական վերանայման ոչ գաղտնի արդյունքները հրապարակվել են եւ հասանելի են ՊՆ կայքում, ինչը հնարավորություն է տալիս հասարակությանը եւ միջազգային հանրությանը ծանոթանալ Հայաստանի պաշտպանության ոլորտի ներկային եւ ապագային:

Եթե Իսրայելը ճանաչի Հայոց ցեղասպանությունը, կնշանակի, որ նա հրաժարվել է իր գաղափարախոսությունից, ասել է Լեւոն Շիրինյանը

Երեւան: Մեդիամաքս: Երեւանի Պետական համալսարանի պատմության ֆակուլտետի դեկան Էդիկ Մինասյանն այսօր ասել է, որ “հրեաները, որպես ցեղասպանություն ապրած ժողովուրդ, պետք է առաջինը ճանաչեին Հայոց ցեղասպանությունը”:

Ինչպես հաղորդում է Մեդիամաքս-ը, այսօր կայացած մամլո ասուլիսի ժամանակ նա ասել է, որ Իսրայելն օգտագործում է Ցեղասպանության խաղաքարտը որպես Թուրքիայի վրա ճնշման գործիք, որպեսզի Անկարան “հրաժարվի Պաղեստինի անկախությունը ճանաչելու իր քաղաքականությունից”:

Իր հերթին, քաղաքագետ Լեւոն Շիրինյանը նշել է, որ հնարավոր չի համարում Իսրայելի կողմից Հայոց ցեղասպանության ճանաչումը` հաշվի առնելով Երուսաղեմի եւ Անկարայի գործընկերային հարաբերությունները:

“Եթե Իսրայելը գնա այդ քայլին, կնշանակի, որ նրանք հրաժարվել են իրենց գաղափարախոսությունից”, - հայտարարել է Լեւոն Շիրինյանը:

Հայաստանից փորձել են արտահանել 90 կգ հերոին

Երեւան: Մեդիամաքս: Հուլիսի 1-ին Ազգային անվտանգության ծառայության մարմինների կողմից իրականացված օպերատիվ-հետախուզական միջոցառումների արդյունքում կասեցվել է թմրամիջոցների խոշոր խմբաքանակի արտահանման փորձ:

ՀՀ ԱԱԾ Մամուլի կենտրոնից այսօր Մեդիամաքս-ին հայտնեցին, որ “Զվարթնոց”  օդանավակայանի բեռնային համալիր արտերկրից ներմուծված եւ Դանիա ու Հոլանդիա հետագա արտահանման ենթակա կենցաղային սարքավորումների զննման արդյունքում նրանց մեջ հարմարեցված հատուկ թաքստոցներում հայտնաբերվել է 90 կգ ընդհանուր քաշով հերոին տեսակի թմրանյութ:

Փաստի առթիվ հարուցված քրեական գործի շրջանակներում ձերբակալվել է երկու անձ:

Պետրա Կվիտովան նվաճեց Ուիմբլդոնը (վիդեո)

21-ամյա չեխ Պետրա Կվիտովան, առաջին անգամ դուրս գալով Մեծ Սաղավարտի մրցաշարի եզրափակիչ, նվաճեց հաղթողի տիտղոսը: Ուիմբլդոնի մրցաշարի կանանց մենախաղի եզրափակիչում Կվիտովան 1 ժամ 25 րոպեում 6:3, 6:4 հաշվով առավելության հասավ ռուսաստանցի Մարիա Շարապովայի նկատմամբ: